今日好傻,以前返工唔多準時的我,近來從良,很早便返到公司,
今日仲係我第一個回到公司添,到了09:00還沒有同事回來,再過幾分鐘公司仍然只得我一人,心想係咪打風掛左八號風球我唔知呢,隨即上網查看天氣,如果真係打風便要立即返回安全地方嘛,但說時遲,那時快,一下子其餘的同事一齊,係一齊返到公司,唉~~,幻想破滅了,唯有乖乖地繼續工作.嚟到呢D打風季節,我諗大多數的打工仔同我諗法都是一樣,打風會撞正工作日,有小小bouns,乘機休息休息一番,聽聞今年好似會有5-6個颱風,現在已經出現左2個,希望剩餘的對香港或者其他地區不會造成人命或經濟的損失啦.
某日買左熱情果同埋紅石榴果茸備用,好似好耐無整蛋糕,心思思,所以今日收工之後走左去買cream同芝士,不過暫時仲未諗到整咩,仲記得之前整過熱情果芝士蛋糕那種酸酸味味,感覺唔太漏咁,今次好可能會試下整紅石榴啦,食譜係配清蛋糕做餅底,上次就係做呢個餅底做到一鍋泡,最後又要用消化餅餅底,今次都不例外,當時還有團火咁勢要練好這個清蛋糕,但結果呢....
