今日放工後終於去左買部新電話喇,
其實都唔想架,想出的型號唔啱budget,啱budget的想要的功能又唔齊,而且部舊機都用唔夠半年,但真係忍左好耐,舊機5800吸引我的地方係有手寫,影相,發聲詞典,然而,用後大約兩個多月先來壞電磁,繼而又間歇性hang機,無故boot機,關機等問題,之前都想換架喇,今朝終於忍唔住,因為一個小時內hang幾次機.後來比我嚮衛信website睇到有部Asus P835,全部乎合要求,去到後sales話我知全線無貨,再走去問其他商戶,才知道代理這牌子的商戶原來唔多,最後走到國美當然又是得到同一答案,但我把我的要求告訢他,看看他有甚麼介紹,他告訢我本身有發聲詞典的手機款不多,又要手寫,都剩餘N97,其實這個我都知,但budget唔啱嘛,最後唯有退而求其次,放棄手寫,個sales都好有耐性,同我講左好耐,其間我又話佢知依家用緊個台上網用量好少...,真係唔講唔知,原來出面好多都已經係幾十蚊無限上網啦,佢就介紹我用萬眾,問過家姐意見,她們覺得萬眾唔好,因為唔使簽約,所以到時試過唔好都可以隨時再轉啦.
仲有買電話點少得贈品呢,D贈品好實用,比如膠file,抹電話的掛飾,仲有hello kitty摺椅,摺椅我當然唔啱用啦,所以送左比姪女.
哈哈,買部電話咁就可以比我"大做文章"
